Падтрымаць насКронікаСувязь з намі55+ News

Запрашаем у наш клуб тых, хто цікавіцца гісторыяй, культурай, архітэктурай, а таксама асаблівасцямі веравызнанняў у шматкультурным Гарадзенскім рэгіёне.

Тут Вы будзеце мець магчымасць:

  • сустрэцца са святарамі і вернікамі розных канфесій і атрымаць адказы на свае пытанні;
  • наведваць розныя храмы і знаёміцца з іх гісторыяй і архітэктурай;
  • лепш зразумець асаблівасці і адрозненні канфесій;
  • лепш арыентавацца ў пытаннях веравызнання ў сучасных умовах.

Мы будзем вучыцца паважаць думку іншага чалавека і яго веравызнанне.

Уладзімір Рунге, вядучы клуба: “У гэтым навучальным годзе планую працаваць больш шчыльна не толькі са святарамі існуючых у горадзе канфесій, але і з супрацоўнікамі музея гісторыі рэлігій, каб даступна, але больш грунтоўна арыентавацца ў асаблівасцях і супярэчнасцях існуючых у рэгіёне рэлігій, пашырыць свой кругагляд”.

Водгук удзельніка: “Вельмі цікавая задумка, і, галоўнае, што ўсё атрымалася! Заняткі былі змястоўныя, інфарматыўныя, не падобныя адзін да другога. Дзякуй Уладзіміру! Рэкамендацыя адна – працягваць! шкадую толькі, што час правядзення не ўпісаўся ў мой расклад і некаторыя экскурсіі прыйшлося прапусціць”.

Працягласць курса: кастрычнік 2018 г. – красавік 2019 г.

Перыядычнасць заняткаў: 2 разы на месяц.

Дні і гадзіны пачатку заняткаў будуць узгадняцца з удзельнікамі клуба.

Колькасць слухачоў: 20-50 чалавек.