Падтрымаць насКронікаСувязь з намі55+ News

Звыш 200 чалавек з розных рэгіёнаў Украіны, а таксама госці з Беларусі, Малдовы, Грузіі, Германіі, Латвіі, Нідэрландаў бяруць удзел у міжнародным форуме “Навучанне людзей сталага веку: досвед і перспектывы”, які праходзіць 30 верасня – 1 кастрычніка ў Вінніцы.

Актыўны ўдзел у працы Форума бяруць заснавальнікі  “Універсітэту Залатога Веку” Вітаўт і Лана Руднікі.

У Вінніцы яны прадставяць досвед УЗВ у галіне інтэлектуальнай і сацыяльнай актывізацыі сталых людзей, канцэпцыю грамадскай кампаніі “Горад, прыязны да сталых людзей”, а таксама тое, як ва УЗВ адбываецца ацэнка патрэбаў сталых людзей, а таксама эфектыўнасць адукацыйнай працы.

Удзельнікі Форуму маюць таксама магчымасць паглядзець фотавыставу, прысвечаную адукацыі сталых людзей. Героямі выставы з’яўляюцца і студэнты нашага “Універсітэту Залатога Веку”.

На выставе прадстаўленыя здымкі з заняткаў гарадзенскага “Універсітэту Залатога Веку”

Ідэя правядзення такога Форуму ўзнікла ў 2016 г. на Фестывалі нефармальнай адукацыі ў Мінску. Арганізатарамі мерапрыемства ў Вінніцы стала грамадскае аб’яднанне «Центр Поділля-Соціум».

У 2018 г. мы плануем правядзенне такога ж Форуму ў Гродне на базе “Універсітэту Залатога Веку”.

Больш падрабязны матэрыял, прысвечаны Форуму, з’явіцца на нашым сайце ў хуткім часе.

Яшчэ запісы