ГПСЛ

Зрабіць Гродна горадам, камфортным для людзей розных пакаленняў – такая мэта кампаніі «Горад, прыязны да сталых людзей».

Паводле класіфікацыі Сусветнага банка, Беларусь з’яўляецца «хутка старэючай краінай». Амаль кожны чацвёрты беларус сёння — пенсіянер. Да 2030 году колькасць людзей сталага ўзросту ў нашай краіне перавысіць 30%.

Перад грамадствам і ўладамі нашай краіны стаіць сур’ёзны выклік, звязаны з забеспячэннем годных умоваў жыцця сталых людзей, абаронай іх правоў і інтарэсаў, выкарыстання патэнцыялу сталых людзей для працы на карысць грамадства.

Канцэпцыя Нацыянальнай стратэгіі ўстойлівага развіцця Рэспублікі Беларусь да 2030 г. прадугледжвае ў якасці прыярытэтаў сацыяльнай палітыкі задавальненне інтарэсаў сталых людзей, пераарыентацыю сістэмы сацыяльнай абароны на адаптацыю людзей да жыцця ў сучасным грамадстве, паляпшэнне якасці сацыяльных паслугаў, стварэнне ўмоваў для ўдзелу людзей ва ўсіх сферах жыцця грамадства.

Канцэпцыя «Горад, прыязны да сталых людзей» была ўпершыню прадстаўленая Сусветнай арганізацыяй аховы здароўя (World Health Organisation) у чэрвені 2005 года на адкрыцці XVIII Міжнароднага кангрэса па геранталогіі і герыятрыі ў Рыа-дэ-Жанейра (Бразілія).

Канцэпцыя прадугледжвае, што гарады, якія далучаюцца да сеткі гарадоў і супольнасцяў, прыязных да сталых людзей, бяруць на сябе абавязак спрыяць актыўнаму старэнню, аптымізуючы магчымасці для аховы здароўя, удзелу і бяспекі для паляпшэння якасці жыцця падчас старэння.

Сёння Глабальная сетка гарадоў і супольнасцяў, прыязных да сталых людзей, налічвае 258 гарадоў з 28 краінаў.

У кожным з гэтых гарадоў распрацаваная праграма, якая прадугледжвае паляпшэнне якасці жыцця сталых людзей па 8 паказальніках:

— вулічная прастора і будынкі;

— транспарт;

— хатнія ўмовы;

— удзел у жыцці грамадства;

— грамадскі ўдзел і занятасць;

— камунікацыя і інфармацыя;

— павага і сацыяльная інклюзія;

— падтрымка грамадства і ахова здароўя.

Асноўная ідэя Канцэпцыі заключаецца ў тым, што актыўнае старэнне — гэта працэс даўжынёй  у жыццё, таму Горад, прыязны да сталых людзей, будзе прыязным і да ўсіх іншых яго жыхароў.

Безбар’ернае асяроддзе забяспечыць мабільнасць і незалежнасць людзей з інваліднасцю любога ўзросту. Бяспека на вуліцах дазволіць дзецям, моладзі і сталым людзям больш часу знаходзіцца за сценамі сваіх дамоў і весці фізічна актыўны лад жыцця. Сем’і змогуць адчуваць менш стрэсу, калі іх сталыя чальцы будуць мець падтрымку ад супольнасці і адпаведныя медыцынскія паслугі. Усё грамадства зможа атрымаць выгоду ад удзелу пажылых людзей у валанцёрскіх справах або ў працоўнай дзейнасці.

Першым крокам з’яўляецца падача заяўкі на далучэнне да Глабальнай сеткі гарадоў і супольнасцяў, прыязных да сталых людзей.

Да заяўкі павінен быць прымацаваны ліст ад адміністрацыі горада, у якім будзе пацверджаны намер удзельнічаць у сетцы і паляпшаць умовы для жыцця сталых людзей у горадзе.

Аўтары заяўкі павінны пацвердзіць гатоўнасць:

  •  Наладжваць механізмы для стымулявання ўдзелу сталых людзей у жыцці грамадства. Гэта ўключае ў сябе таксама партнёрства паміж дзяржавай і грамадзянскай супольнасцю (НДА і ўстановамі адукацыі).
  •  Распрацаваць асноўныя крытэры і ацэнку прыязнасці горада да сталых людзей. Гэтая ацэнка можа быць адаптаваная пад асаблівасці горада, але як мінімум павінна ўлічваць 8 пералічаных вышэй асноўных характарыстык.
  •  Падрыхтаваць 3-гадовы агульнагарадскі план дзеянняў па выніках ацэнкі. Такі план павінен па магчымасці задзейнічаць як мага больш аддзелаў гарадской адміністрацыі і супольнасці, каб забяспечыць комплексны падыход.
  • Вызначыць індыкатары для маніторынгу прагрэсу плана.

 

 

Упершыню ідэя кампаніі, накіраванай на далучэнне Гродна да Глабальнай сеткі гарадоў і супольнасцяў, прыязных да сталых людзей, была прадстаўленая ў кастрычніку 2014 года журналістам мясцовых і нацыянальных СМІ.

У траўні 2015 г. канцэпцыя была прадстаўленая грамадскасці горада падчас Круглага стала, арганізаванага ўстановай «Цэнтр дадатковай адукацыі дарослых «Студыя карысных кампетэнцый »і праграмай «Універсітэт Залатога Веку».

Галоўная задача — ініцыяваць распрацоўку агульнагарадской праграмы, накіраванай на паляпшэнне якасці жыцця сталых людзей, што дазволіць Гродна ў якасці першага беларускага горада далучыцца да 2018 года да Глабальнай сеткі гарадоў і супольнасцяў, прыязных да сталых людзей.

  • Стварэнне грамадскай Рады па справах сталых людзей пры гарвыканкаме;
  • Стварэнне Інфармацыйна-рэсурснага цэнтра для сталых людзей (інфармацыйнае, юрыдычнае, псіхалагічнае кансультаванне і г.д.);
  • Стварэнне «Залатой карткі», якая прадстаўляе ільготы і зніжкі сталым людзям на тавары і паслугі з боку арганізацый, якія добраахвотна падпісалі Дэкларацыю далучэння да кампаніі «Горад, прыязны да сталых людзей»;
  • Арганізацыя «Школы бяспекі» для сталых людзей;
  • Стварэнне пры паліклініках горада сеткі геранталагічных кабінетаў;
  • Правядзенне ў Гродна штогадовага кірмашу «50+», на якім будуць прадстаўляцца тавары і паслугі для сталых людзей;
  • Правядзенне раз на два гады ў г. Гродна Фестывалю творчасці сталых людзей Еўрарэгіёну «Нёман»;
  • Развіццё валанцёрскай дапамогі нерухомым і маларухомым сталым людзям;
  • Арганізацыя адаптацыйных курсаў «Падрыхтоўка да пенсіі»;
  • Развіццё Гродзенскага «Універсітэта Залатога Веку» для сталых людзей і стварэнне да 2020 г. як мінімум 5 новых «Універсітэтаў Залатога Веку» у раённых цэнтрах вобласці;
  • Выкарыстанне інтэграцыйнага падыходу да планавання ўсіх мясцовых палітык у г. Гродна (развіцця гарадской інфраструктуры, сацыяльнага абслугоўвання, аховы здароўя, адукацыі на працягу ўсяго жыцця і інш.) з улікам інтарэсаў сталых людзей і з іх удзелам.
Паўдзельнічалі ў вэбінары пра тое, як зрабіць супольнасць прыязнай да людзей з дэменцыяй

Паўдзельнічалі ў вэбінары пра тое, як зрабіць супольнасць прыязнай да людзей з дэменцыяй

12 ліпеня прадстаўніца «Універсітэта Залатога Веку» прыняла ўдзел у вэбінары “Як зрабіць працу супольнасці эфектыўнай для найбольш уразлівай групы насельніцтва: Чаму можа навучыцца супольнасць, прыязная да сталых ад руху, накіраванага на прыязнасць да людзей з дэменцыяй?”

Паўдзельнічалі ў вэбінары пра актуальны стан і будучыню гарадоў, прыязных да сталых людзей

Паўдзельнічалі ў вэбінары пра актуальны стан і будучыню гарадоў, прыязных да сталых людзей

Прадстаўніца Сусветнай арганізацыі аховы здароўя (WHO) падчас вэбінара 28 лютага распавяла пра актуальны стан і планы на будучыню Глабальнай сеткі гарадоў і супольнасцей, прыязных да сталых людзей. Ганна Барадзіна дзеліцца пачутым.

10 спосабаў прасоўвання і аховы правоў сталых людзей на канферэнцыі Habitat III

10 спосабаў прасоўвання і аховы правоў сталых людзей на канферэнцыі Habitat III

У кастрычніку гэтага года ў Кіта (Эквадор) адбудзецца канферэнцыя ААН па жытловым будаўніцтве і ўстойлівым развіцці гарадоў Habitat III. Канферэнцыя будзе скіравана на ўмацаванне абавязацельстваў па забеспячэнні ўстойлівага развіцця гарадскога асяроддзя і стане асновай для дасягнення Мэтаў ўстойлівага развіцця з місіяй "не пакінуць нікога без увагі".

Рэзалюцыя канферэнцыі накіраваная ўладам і ў міжнародныя арганізацыі

Рэзалюцыя канферэнцыі накіраваная ўладам і ў міжнародныя арганізацыі

Міністэрствы працы і сацыяльнай абароны насельніцтва, аховы здароўя, культуры, адукацыі, інфармацыі, некалькі камісій парламента, аблвыканкамы, гарадзенскі гарвыканкам, Глабальная сетка гарадоў і супольнасцяў, прыязных да сталых людзей - гэта няпоўны пералік арганізацый, якім была накіраваная Рэзалюцыя міжнароднай навукова-практычнай канферэнцыі "Павышэнне якасці жыцця сталых людзей: на шляху да распрацоўкі планаў дзеянняў па пытанях старэння".

Дзевяць спосабаў палепшыць якасць жыцця сталых гарадзенцаў (інфаграфіка)

Дзевяць спосабаў палепшыць якасць жыцця сталых гарадзенцаў (інфаграфіка)

У Беларусі неабходна прыняць Нацыянальную стратэгію актыўнага даўгалецця. Такая прапанова ўтрымліваецца ў рэзалюцыі міжнароднай канферэнцыі, якая праходзіла нядаўна ў Гродне....

Пакінуць каментар

Ваш эмэйл не будзе паказаны.