Хор «УЗВышша» выступіў на фестывалі ў Літве

Хор «УЗВышша» выступіў на фестывалі ў Літве

Удзел у другім міжнародным фальклёрным фестывалі, які праходзіў 15 кастрычніка ў літоўскім Мар’ямпале, бралі калектывы з розных гарадоў Літвы, а таксама госці з Польшчы і Беларусі.

На сцэне ўдзельнікі фальклёрнага фестывалю ў Мар'ямпале

На сцэне ўдзельнікі фальклёрнага фестывалю ў Мар’ямпале

Хор гарадзенскага «Універсітэту Залатога Веку» прыехаў у Літву па запрашэнні сваіх калегаў з Мар’ямпале, якія за два дні да гэтага прыязджалі з канцэртам на ўрачыстае адкрыццё 8 акадэмічнага году УЗВ.

Хор "УЗВышша": да пачатку фестывалю - ўсяго некалькі хвілін

Хор «УЗВышша»: да пачатку фестывалю — ўсяго некалькі хвілін

З-за візавых праблем гарадзенцы прыехалі не ў поўным складзе, але вызначаліся сярод іншых сваімі народнымі строямі і добрым выкананнем народных спеваў.

Разам з сябрамі з Польшчы і Літвы. У цэнтры - кіраўніца хора "УЗВышша" Вера Кунцэвіч

Разам з сябрамі з Польшчы і Літвы. У цэнтры — кіраўніца хора «УЗВышша» Вера Кунцэвіч

Як адзначалі арганізатары і многія ўдзельнікі фестывалю, выступ «УЗВышша» (кіраўніца — Вера Кунцэвіч) быў адным з найлепшых.

Па сканчэнні афіцыйнай часткі праграмы ўдзельнікі фестывалю перабраліся з утульнага цэнтру культуры ў кавярню, дзе на працягу яшчэ дзьвюх гадзін танцавалі, спявалі, знаёміліся паміж сабой.

фестываль

Акрамя дыплому фестывалю гарадзенцы атрымалі таксама запрашэнне выступіць на падобным мерапрыемстве ў лютым 2017 г. у Варшаве.

Яшчэ адно запрашэнне — на фестываль песні ў лістападзе, прыйшло з Вільні.

Хор «УЗВышша» быў створаны ва «Універсітэце Залатога Веку» некалькі год таму. Спяваюць у ім студэнты і студэнткі УЗВ.

Хор "УЗВышша"

 

 

 

 

 

 

 

 

 

padzyaka

Падзяка за ўдзел у другім міжнародным фальклёрным фестывалі.

Фота Ланы Руднік

Пакінуць каментар

Ваш эмэйл не будзе паказаны.