Пачаўся запіс кандыдатаў ва УЗВ-9

Пачаўся запіс кандыдатаў ва УЗВ-9

Сёння пачаўся запіс кандыдатаў на ўдзел у дзевятым акадэмічным годзе  праграмы «Універсітэту Залатога Веку».

Каб далучыцца да праграмы УЗВ, трэба наведаць адну з прэзентацый, дзе можна будзе атрымаць усю неабходную інфармацыю пра гісторыю праграмы «Універсітэту Залатога Веку», даведацца пра прынцыпы працы і мэты праграмы, пазнаёміцца са зместам адукацыйных заняткаў, з запланаванымі мерапрыемствамі і з патрабаваннямі да ўдзельнікаў, а таксама задаць усе пытанні арганізатарам праграмы. Прэзентацыі УЗВ пройдуць з 18 па 22 верасня, па дзве на кожны дзень — а 11ай і а 15ай гадзіне.

Запісацца на прэзентацыі можна да 15 верасня з 10:00 да 17:00 па тэлефонах 75-71-72, 8033 634-10-41 (МТС) альбо 8025 549-73-85 (life).

На прэзентацыі можна будзе запоўніць анкету на ўдзел у праграме УЗВ. Па выніках анкетавання будзе праводзіцца адбор удзельнікаў на дзявяты акадэмічны год ва УЗВ.

Перавагай у час адбору будуць карыстацца:
— асобы пенсійнага ўзросту, якія маюць высокую матывацыю да ўласнага інтэлектуальнага і фізічнага развіцця, удзелу у жыцці грамадства;
— ахвяры сталінскіх і фашысцкіх рэпрэсій, былыя малагадовыя вязні канцэнтрацыйных лагераў;
— слухачы УЗВ папярэдніх гадоў.

УВАГА! Запісацца і прыйсці на прэзентацыі мусяць таксама і слухачы УЗВ мінулых гадоў. 

Віншуем з пачаткам новага навучальнага году УЗВ і да сустрэчы на занятках!

Пакінуць каментар

Ваш эмэйл не будзе паказаны.