Падтрымаць насКронікаСувязь з намі55+ News

Шматгадовай традыцыяй з’яўляецца наведванне слухачамі Універсітэту Залатога Веку месцаў пахавання знакамітых гарадзенцаў падчас свята Дзяды. 3 лістапада адбылося чарговае наведванне могілак па праспекце Касманаўтаў.

Не гледзячы на дождж слухачы наведалі шэраг магіл. Пастаялі і ўспомнілі дзейнасць і заслугі розных людзей. Усклалі кветкі.

Асабліва цёпла гаварылі пра музыканта, кампазітара і ганаровага слухача УЗВ Яўгена Петрашэвіча, які браў удзел у першых занятках УЗВ у 2010 г. У якасці вольнага слухача наведваў агульныя мерапрыемствы УЗВ. Напісаў гімн УЗВ “Хвала людзям паважнага ўзросту” (2012 г.).

Людзі адыходзяць з жыцця, але яны жывуць паміж нас, пакуль жыве памяць пра іх.

Яшчэ запісы