Ужо 38 патэнцыйных выкладчыкаў прыслалі свае заяўкі на правядзенне курсаў і клубаў “Універсітэту Залатога Веку” у 2019/2020 гг.

Так, наша студэнтка Наталля Кавалеўская заявіла клуб  “Арганічнае земляробства”, вядомы гарадзенскі псіхолаг Павел Джулай плануе весці курс “Псіхалогія жыцця”, а яго калега Святлана Кочатава – клуб “На шляху да сябе”. Новы клуб – “Таямніцы мастацтва”, будзе весці Любоў Зорына. Курс пра эмацыйны інтэлект заявіла Вікторыя Кавальчук.

У праграме навучання з’явяцца і іншыя новыя адукацыйныя прапановы.

Прыём заявак на навучанне ва УЗВ пачнецца 2 верасня і будзе доўжыцца да 13 верасня.

Гарадзенскі “Універсітэт Залатога Веку” быў заснаваны ў красавіку 2010 г.

У мінулым акадэмічным годзе ў раскладзе УЗВ фігуравалі больш за 50 курсаў і клубаў.