Мерапрыемствы Тыдня, які будуць арганізаваны арганізацыямі і экспертамі – сябрамі кааліцыі “За годнае даўгалецце”, пройдуць з 28 верасня па 4 кастрычніка.

Такое рашэнне было прынятае ў час онлайн-сустрэчы сябраў кааліцыі, якая адбылася 10 верасня.

У межах Тыдня сіламі сябраў плануецца арганізаваць шэраг самых разнастайных мерапрыемстваў, якія дапамогуць сталым людзям атрымаць інфармацыю пра магчымасці сацыяльнай, псіхалагічнай, медыцынскай дапамогі, набыцця карысных ведаў і ўменняў.

Універсітэт Залатога Веку 2 кастрычніка таксама прыміць удзел у Тыдні годнага даўгалецця. Сябры рады правядуць онлайн-прэзентацыю нашага Універсітэту, раскажуць гісторыю стварэння УЗВ, паведамяць пра курсы і клубы, якія будуць дзейнічаць ужо ў дванаццатым па ліку навучальным сезоне.

Удзельнікі сустрэчы адзначылі, што ў цяперашняй сітуацыі ў краіне надзвычай важна не пакінуць сталых людзей сам на сам з праблемамі, з якімі яны сутыкаюцца.

Частка мерапрыемстваў Тыдня будзе адрасаваная спецыялістам, якія працуюць са сталымі людзьмі.

Прапанаваць сваё мерапрыемства ў праграму Тыдня можна з дапамогай простай формы заяўкі, якую трэба запоўніць да 22 верасня.