Падтрымаць насКронікаСувязь з намі55+ News

Першая ў гэтым навучальным годзе сустрэча валанцёрскай групы “Універсітэту Залатога Веку” прайшла 9 лістапада. На працягу гадзіны валанцёры прадстаўлялі інфармацыю пра сябе і сваіх падапечных, а таксама абмяркоўвалі планы дзейнасці на будучы навучальны год.

На сустрэчу прыйшлі тыя, хто дапамагае сталым падапечным ужо не першы год, і тыя, хто будзе валанцёрыць толькі з гэтага навучальнага года.

Так Аліна Філіпчык дапамагае сваёй свякрові, якая пражывае ў Гродна.

Аліна Філіпчык

Анастасія Пятроўна вельмі добры і цікавы чалавек, – кажа Аліна. – Я адзін-два разы на тыдзень наведваю яе і дапамагаю працай па дому. Святы мы праводзім разам, віншуем адзін аднаго і цешымся такімі момантамі”.

Пра працу са сваімі падапечнымі падзялілася і старшыня Рады УЗВ Ларыса Кіркевіч.

Вось што яна кажа пра Марыю Акімаўну – суседку па дому, якую Ларыса даглядаю ўжо некалькі год.

– Другая падапечныя – былы вязнік канцлагера, а таксама мая былая калега па працы, – дзеліцца Ларыса. – У большасці мы з ёй падтрымліваем стасункі па тэлефоне, ад дапамогі па дому яна адказваецца – сын з унучкай дапамагаюць”. 

Ларыса зазначыла, што ў апошнія часы яна стала заўважаць у падапечнай некаторыя прыкметы дэменцыі і ў сувязі з гэтым кажа, што было б карысным праслухаць некаторыя лекцыя псіхолагаў па правільнай камунікацыі менавіта з такімі сталымі людзьмі.

Ларыса Ганчар таксама расказала як праводзіла час са сваёй падапечнай Валянцінай Аляксандраўнай, якая ёй з’яўляецца цёцяй і хроснай мамай.

Ларыса Ганчар

“Маёй цёці 90 гадоў і яна поўная жыцця і энергіі, – кажа Ларыса. – Мы з ёй часта любім хадзіць пешшу па вуліцам горада”.

Фотаздымкі з апошняй прагулкі Ларысы і Валянціны Аляксандраўны.

Наступная сустрэча валанцёраў запланавана на снежань.

Калі вы жадаеце далучыцца да працы валанцёрскай групы – тэлефануйце +375 29 292 01 81.

Валанцёрская група УЗВ працуе ў межах праекта “Паляпшэнне якасці жыцця людзей ваеннага пакалення праз актывізацыю і ўзаемадапамогу”, падтрыманага Фондам “Памяць, адказнась і будучыня” у межах праграмы “Месца сустрэчы: дыялог”, якая каардынуецца Міжнародным грамадскім аб’яднаннем “Узаемапаразуменне”. Гэтая публікацыя не адлюстроўвае меркаванні Фонда EVZ. Адказнасць за змест публікацыі нясуць яе аўтары.

 

Яшчэ запісы